Styrkir til náms fyrir tekjulágar konur

Menntunarsjóður Mæðrastyrksnefndar Reykjavíkur styrkir tekjulágar konur til náms og hafa verið veittir um 100 styrkir til um 70 kvenna frá stofnun sjóðsins árið 2012. Félögin sem starfrækja Mæðrastyrksnefnd eru Kvenréttindafélag Íslands, Félag háskólakvenna og kvenstúdenta, Hvítabandið, Hvöt, félag Sjálfstæðiskvenna, Kvenfélag Framsóknarkvenna, Kvenfélag Alþýðuflokksins og Thorvaldsensfélagið. Tveir fulltrúar frá hverju félagi eru í nefndinni og er vinnan unnin af sjálfboðaliðum.