Fjölbreytt efni fyrir þá sem eru á miðjum aldri

Fjölbreytt efni
Á vefnum lifdununa.is er að finna fjölbreytt efni fyrir þá sem eru á miðjum aldri eða eldri og tengjast virkni þeirra og lífsgæðum. Má þar nefna atvinnu- og fjármál, réttindamál, heilbrigði og afþreyingu.

Sagan á bakvið fyrirtækið BG heildverslun
Birna Guðjónsdóttir stofnaði fyrirtækið sitt, BG heildverslun, árið 2015 eftir að hafa unnið nánast alla starfsævi sína við innkaup og sölu á barna- og kvenfatnaði hjá heildverslun. Birna segir það hafa verið umhugsunarefni hvort að nú væri tímapunkturinn að fara út í eigin rekstur og það hafi verið átak að stofna eigið fyrirtæki. Allt er þó að ganga upp og reksturinn gengur vel. Hún segist fegin að hafa ögrað sjálfri sér og gert þetta . Hver dagur er skemmtilegur og lifandi. „Ég held að þetta hafi verið gæfuspor“.
Skoða upplýsingar um þetta efni hér

Sagan á bakvið fyrirtækið SagaMedica
Sigmundur Guðbjarnason fyrrverandi háskólarektor, hætti í starfi við Háskóla Íslands sjötugur en hélt áfram að rannsaka lækningamátt íslenskra jurta. Síðar stofnaði hann fyrirtækið SagaMedica ásamt Þráni Þorvaldssyni og Steinþóri Sigurðssyni í þeim tilgangi að stuðla að því að Íslendingar færu aftur að nota íslensku flóruna sér til heilsubótar.
Skoða upplýsingar um þetta efni hér

Sagan á bakvið Landsnámssetur í Borgarnesi
Hjónin Kjartan Ragnarsson og Sirrý Margrét Guðmundsdóttir stofnuðu fyrirtækið Landnámssetur í Borgarfirði sem skapandi verkefni þar sem þau gætu notað reynslu sína til að búa til skemmtilegar sýningar. Þau voru bæði fastráðin í skemmtilegum störfum þegar þau fengu hugmynd að verkefninu eftir að hafa orðið þess áskynja að miklar breytingar voru að eiga sér stað í menningartengdri ferðaþjónustu.
Skoða upplýsingar um þetta efni hér

Sagan á bakvið fyrirtækið Vistvæn framtíð
Hildur Petersen stofnaði fyrirtækið Vistvæn framtíð eftir að hafa verið framkvæmdastjóri Hans Petersen sem afi hennar stofnaði fyrir meira en 100 árum. Hildur tók við þegar faðir hennar lést og var þá aðeins 23 ára gömul. Með stofnun fyrirtækisins vildi hún leggja sitt af mörkum til þess að minnka umfang plasts í hafinu og lát vöruna bera boðskap. Hildur segir að það sé ólíkt að stofna fyrirtæki frá grunni eða taka við fyrirtæki sem er í fullum rekstri en segir að það sé skemmtilegra að skapa viðskiptahugmynd frá grunni.
Skoða upplýsingar um þetta efni hér