Vinnumálastofnun

Ráðgjöf
Á vef Vinnumálastofnunar segir „Í atvinnuleit er markvisst unnið að því að koma sér á framfæri á vinnumarkaðnum og má líkja þessu við markaðssetningu á sjálfum sér”. Ferilskráin og kynningarbréfið eru aðalmarkaðstækin í þessu ferli. Skiptir því miklu máli að það sé vandað til verka við gerð þeirra. Á vef Vinnumálastofnunar er að finna greinargóðar upplýsingar um hvernig skal búa til ferilskrá, innihaldi og uppsetningu. Þar segir „… og getur góð ferilskrá ráðið úrslitum um hvort umsækjandi fái starfið.“
Linkur um Ferilskrá

Atvinnuleysistryggingar
Vinnumálastofnun fer m.a. með yfirstjórn vinnumiðlunar í landinu og daglega afgreiðslu Atvinnuleysistryggingasjóðs,  Fæðingarorlofssjóðs, Ábyrgðarsjóðs launa auk fjölmargra annara vinnumarkaðstengdra verkefna.

Vinnumálastofnun starfar samkvæmt  lögum en  markmið laganna er m.a. að veita einstaklingum viðeigandi aðstoð til að verða virkir þátttakendur á vinnumarkaði fyrir og fram að lögbundnum aldri þ.e. sá sem er á vinnufærum aldri. Vinnumálastofnun veitir alla almenna þjónusta við atvinnuleitendur, skráningu, mat á færni, ráðgjöf og úrræði og vinnumiðlun auk samvinnu við aðra þjónustuaðila um úrræði og vinnumarkaðs-aðgerðir.